Veibost II - Blotsteinen

Gropesteinen er kring 2,8x2 m vidt og opp til 1 m høg. I søre del er steinen spiss og her er det ei lågare hylle. Det er kring 40 tydelege groper på steinen og truleg fleire grunne. Den største gropa er om lag 5,5 cm i tverrmål og 3,5 cm djup. Dei minste gropene er kring 2 cm i tverrmål og nokre millimeter djupe. Dei fleste gropene er plassert i den søre og vestlege delen av steinen. Det veks ein del mose og lav på kantane av steinen. Gropesteinen fk.nr. 2 ligg i flat slåttemark, kring 15 m S for riksvegen, like O for vegen til Limstrand interiørfabrikk, og 24 m NV for huset til Irene Veibust. Her er utsyn mot Veibostfjellet i S, medan utsynet mot Vegsundet i N for det meste er stengt av tre og hus.

Teksten er hentet fra Riksantikvarens register Askeladden og gjengitt ordrett under NLOD 1.0. Storie har ikke endret den.