Kvasneset gravfelt

Røysa fk.nr. 3/1 ligg som ein flat runding som er kring 0,5 m høg. Tverrmålet N-S er om lag 15 m, medan vestre del er borte og austre del avskava slik at tverrmålet O-V er kring 10 m. Røysa er utjamna og jord påkøyrd for å laga eng, noko som gjer at røysa er dekka av tjukk gras- og mosetorv. Berre i austre del av røysa stikk ein del steinar/blokker i dagen. Røysa fk.nr. 3/2 som ligg 20 m S for fk.nr. 3/1, er kring 15 m i tverrmål og 1,5 m høg. Ho er bygd av 0,1-0,7 m store, tørre steinar/blokker som delvis er tilgrodd med mose og lav. Røysa er noko avskava og utkasta og det veks lauvskog og kratt på ho, særleg i sentrum og langs kantane. Røysa fk.nr. 3/3 ligg kring 75 m SSV for røysa fk.nr. 3/2. Ho er 12 m i tverrmål, kring 1,5 m høg og bygd av 0,1-0,6 m store steinar/blokker som no for ein god del er mosegrodde, særleg i vestre del av røysa. Midt i røysa er to store søkk. Det austlegaste er kring 3 m langt NO-SV, 2 m breitt og opp til 1 m djupt. Det vestlegaste søkket er om lag 3 m NNO-SSV, 1,25 m breitt og opp til 1 m djupt. Det vestlegaste søkket er om lag 3 m NNO-SSV, 1,25 breitt og opp til 1 m djupt. Det veks ris, einer, bregner og lauvskog på og kring røysa.

Teksten er hentet fra Riksantikvarens register Askeladden og gjengitt ordrett under NLOD 1.0. Storie har ikke endret den.