Fetts fk.nr.1/3-6 Storeneset

Røysa fk.nr. 1/6 ligg 1 m S for bytet mellom bruk 050/004 og bruk 050/023 og om lag 5 m S for røysa R 005, fk.nr. 1/7. Røysa er orientert N-S. Ho er 21 m lang og 3-9 m brei, med minste breidde i endane. Høgda er om lag 0,5-0,7 m. Røysa er bygd av steinar/blokker 0,15-0,8 m store. Her og der stikk steinane i dagen, men dei fleste er overgrodde med mose, lyng og torv. Røysa verkar mykje omrota og det er fleire mindre sår i ho. Det veks tett med lauvtre, bregnar og kratt over heile røysa. Grunna vegetasjonsdekket og omrotinga er røysa særs ujamn i kantane og dårleg markert. Ho er heller ikkje godt synleg i lendet.Røysene fk.nr. 1/3-5, ligg tett saman om lag 10-15 m S og SV for røysa fk.nr. 1/6. Dei er 4-7 m i tverrmål og om lag 0,2-0,4 m høge. Dei er bygde av steinar/blokker, 0,15-0,7 m store. Nokre steinar stikk i dagen, men dei fleste er dekte av mose og torv. Røysene verkar noko omrota, alle har eit mindre søkk i midten. På og ikring røysene veks mykje lauvtre og kratt. Grunna vegetasjonsdekket og omrotinga er røysene særs ujamne i kantane og dårleg markerte. Dei er heller ikkje godt synleg i lendet.

Teksten er hentet fra Riksantikvarens register Askeladden og gjengitt ordrett under NLOD 1.0. Storie har ikke endret den.