Unneset 5 (Fetts fk.nr. 9 og12/1-2)

Fornminnesamlinga er orientert NV-SO og strekkjer seg kring 25 m i denne retninga. SV-NO er utstrekninga ca. 15 m.Gravrøysa fk.nr. 9 ligg N i fornminnesamlinga. Røysa er orientert NV-SO. I denne retninga er ho 8 m. SV-NO er ho kring 6,5 m. På det høgaste (i NV) er ho 0,8 m. Røysa er klårt markert og tydeleg i terrenget. Ho er bygd av steinar/blokker frå 0,15-0,6 m i tverrmål. Ein del av desse ligg nakne, men midt i røysa veks det mykje brake. Det er to heller i røysa, som ligg i dagen. Den eine ligg i SSO og er orientert O-V. Ho er 1,0 m lang, 0,6 m brei og 0,1 m tjukk. Den andre ligg i nordvestre del av røysa. Denne er orientert N-S og er 0,8 m lang, 0,5 m brei og 0,05 m tjukk. Helleristningsfeltet fk.nr. 12/1 ligg på ei bergflate 2-3 m SV for fk.nr. 9. Bergflata er orientert O-V og skrår lett mot S. Lengda på denne flata O-V er 5,20 m. Ho er kring 4 m N-S. Rundt berget veks det gras og lyng. Det er nokre sprikker i berget, som det veks gras i. Eit par båtfigurar og nokre groper er måla opp. Desse ligg i austre delen av bergflata og strekkjer seg 2,60 m mot V. Her skal vere nokre fleire skip og groper, men dei er vanskelege å sjå. Helleristningsfeltet fk.nr. 12/2, ligg 15-20 m SO for fk.nr. 9. Feltet ligg på ei bergflate som er orientert O-V og som hallar lett mot S. Berget er 10 m O-V og kring 8 m N-S. Det er nokre sprikker med gras og mose. Her er båt, to dyr med kjerre og menneske. Figurane er oppmåla. Dei ligg mellom 5,9-7,1 m V for den austlege kanten og mellom 3,0-3,3 m N for den sørlege kanten av bergflata.

Teksten er hentet fra Riksantikvarens register Askeladden og gjengitt ordrett under NLOD 1.0. Storie har ikke endret den.