Fetts fk.nr. 10/1-7 Råneset

Feltet er orientert O-V og er kring 45 m denne vegen. I N-S er utstrekninga kring 30 m. Røysa fk.nr. 10/1 ligg kring 60 m SO for R 021 (fk.nr. 12/3), og heilt V i feltet. Ho er 7 m i tverrmål. I S er høgda 1 m (ho er høgast her). Røysa er bygd opp av steinar/blokker frå 0,1-1,0 m. Midt i er eit krater som er 2 m i tverrmål og 0,6 m djupt. Her veks det lyng og brake, elles er det mest naken stein i røysa med noko mose her og der. I V og S er røyskanten fint markert med store blokker, gjennomsnittleg 0,8 m store. I søre halvdel av røysa er det dessutan og ei stor blokk, men det er umogeleg å måle henne avdi ho er så overgrodd. Røysa er elles godt markert og tydeleg i terrenget. Røysa fk.nr. 10/2 ligg 6 m SSO for 10/1 (målt frå kantane). Ho er orientert O-V og er 6,5 m i denne retninga. N-S er ho 3 m. Høgda er 0,3-0,4 m. Røysa er lagd oppå eit svaberg og er noko uklårt markert. Ho er utrasa i S. Steinane/blokkene i røysa er frå 0,1-0,5 m. I austre delen er det eit grunt søkk, ca. 1,5 m i tverrmål og ca. 0,2 m djupt. I austre del av dette søkket ligg ei helle. Ho er orientert SSO-NNV og er 1,0 m lang, 0,7 m brei og 0,05 m tjukk. Det veks litt gras og mose mellom steinane i røysa. Røysa fk.nr. 10/3 ligg 1 m O for fk.nr. 10/2 (målt frå kantane). Ho er kring 5,5 m i tverrmål. Ho er høgast i S, der ho måler 0,8 m. Røysa er klårt markert og tydeleg i terrenget, men noko utrasa i S. Steinane i røysa er frå 0,1-0,6 m. I nordlege delen av røysa er det eit krater. Dette er kring 2 m i tverrmål og 0,7 m djupt. Det er naken stein i røysa, men noko mose her og der. I søkket veks det gras, mose og bregnar. Røysa fk.nr. 10/4 ligg 8,5 m O for fk.nr. 10/3 (målt frå kantane). Ho er 6 m i tverrmål. Ho er høgast i S der ho måler 1,0 m. Steinane/blokkene er frå 0,1-0,6 m store. Røysa er klårt markert og tydeleg i terrenget, men noko utrasa i V. Det er eit krater midt i røysa. Dette er 2 m i tverrmål og 0,6 m djupt. I nordlege del av krateret ligg ei helle. Ho er orientert O-V og er 1,0 m lang, 0,6 m brei og 0,10 m tjukk. Det er naken stein i røysa, med noko mose imellom her og der. I krateret veks det mose og nokre bregnar. Røysa fk.nr. 10/5 ligg 1,5 m O for fk.nr. 10/4 (målt frå kantane). Ho er kring 12 m i tverrmål. På det høgaste (i S) er ho 1,10 m. Røysa er bygd av steinar/blokker frå 0,1-0,6 m i tverrmål. Ho er klårt markert og tydeleg i terrenget, men noko utrasa i SV og N. Denne røysa ligg høgast av alle på feltet, på ein liten naturleg forhøging i landskapet. Sentralt i røysa er det eit krater, kring 2 m i tverrmål og 0,6 m djupt. I nordlege del av røysa ligg ei helle. Ho er orientert SSV-NNO og er kring 1,0 m lang, 0,6 m brei og 0,1 m tjukk. I røysa er det mest naken stein, men litt mose og lyng veks her og der. I krateret veks det bregnar. Røysa fk.nr. 10/6 ligg på eit lite bergplatå, 4 m ONO for fk.nr. 10/5 (målt frå kantane). Ho er 7 m i tverrmål. I S er høgda 0,8 m. Røysa er noko uklårt markert, avdi ho er mykje overgrodd med lyng og utkasta i S. Ho er bygd av steinar/blokker frå 0,15-0,6 m i tverrmål. Det ser ut til å vere fjerna noko stein i austre og nordlege del av røysa, slik at den sentrale delen og den vestre delen ligg noko høgare. Røysa fk.nr. 10/7 ligg 18 m S for fk.nr. 10/6 (målt frå kantane). Ho er orientert O-V og ligg oppå eit lite berg som går parallelt med strandkanten. Lengda O-V er 10 m. N-S er ho 4 m. Høgda er 0,2-0,4 m. Ho er noko uklårt markert, men tydeleg i terrenget. I S er ho noko utrasa. Steinane/blokkene er frå 0,1-0,7 m store og ligg nakne i dagen, bortsett frå nokre få stader der det veks litt lyng og brake.

Teksten er hentet fra Riksantikvarens register Askeladden og gjengitt ordrett under NLOD 1.0. Storie har ikke endret den.