Totland - Fetts fk. 2/1-2, Røysaneset

Gravrøysa Fetts fk. 2/1 som ligg ytst på Røysaneset, måler 6 m (orientert NNV-SSO) og er lagt opp av 0,2 - 0,4 m store steinar/blokker på ein knaus. Ho er låg (opp til 0,5 m høg) og berre i nordre delen kan kantlinja følgjast. Røysa verkar utkasta. Kantane er tilgrodde av gras og lyng. Like S for røysa stuper berget bratt i sjøen. Gravrøysa (fk. 2/2) ligg 10 m N for fk. 2/1, lengst N på Røysaneset. Ho er 12 m i diameter, opp til 1,5 m høg og er bygd av 0,2 - 0,6 m store steinar/blokker. Omlag i sentrum er eit ca. 2 m vidt og 0,7 m djupt søkk, medan to søkk (1 x 1 m vide, 1 m djupe) finst i SO-delen. Røysa er lett synleg og klårt markert bortsett frå i NV, der ho er noko utkast. Kring kantane veks lyng og eine. Ei rogn og ein einebusk veks i det største søkket.

Teksten er hentet fra Riksantikvarens register Askeladden og gjengitt ordrett under NLOD 1.0. Storie har ikke endret den.