Setre - Fetts fk. 2/1-2

Røysa fk. 2/1 er kring 14 m i tverrmål og kring 1,5 m høg, målt i sørvestre delen. Ho er bygd av steinar/blokker frå 0,2 - 1,4 m i storleik. Røysa er utkasta mot SV og her ligg steinane i dagen. Den nordvestre delen er noko overgrodd av grastorv, men nokre steinar stikk i dagen. I sentrale delar av røysa veks nokre brakebusker. I austre kanten av røysa står eit rognetre. Røysa er klårt markert med unnatak av der ho er utkasta. Ho er godt synleg i terrenget. Røysa fk. 2/2 ligg kring 20 m NNO for fk. 2/1, noko V for øvste toppen på beitet. Røysa er kring 10 m i tverrmål. Høgda er minimal, berre botnlaget av røysa ligg att. Ho er bygd av steinar/blokker frå 0,2 - 0,4 m i storleik. Røysa er tilvaksen med grastorv, men nokre steinar stikk i dagen, særleg i sentrale delar. Det veks nokre brakebusker i midten og rundt kantane. Røysa er uklårt markert, men syner relativt godt i terrenget.

Teksten er hentet fra Riksantikvarens register Askeladden og gjengitt ordrett under NLOD 1.0. Storie har ikke endret den.