Sæbø - Fetts fk. 3/1-3 og 7, Flotene

Røysa fk. 3/1 er 10-11 m i tverrmål og 1/2 m høg. Ho har ein tydeleg fotkjede bortsett frå i NV. Blokkene som utgjer fotkjeden er heilt overgrodde med mose bortsett frå i SV, der blokkene er opptil 1,3 m store. Sentrum av røysa er noko avskava og der er eit grunt søkk. Ved søkket ligg der to kring 1 m store blokker. Røysa er elles heilt overvaksen med gras og mosetorv, ris, einer og lauvtre. Røysa fk. 3/2 ligg 2 m O for fk. 3/1. Ho er 10-11 m i tverrmål, opptil 1 m høg, og er bygd av 0,2 - 1,0 m store steinar/blokker som er sterkt tilgrodd med mose. I sentrum av røysa er der eit rundt søkk, omlag 3 m vidt og opptil 1 m djupt. Det veks lauvtre, einer og kratt på røysa. Røysa fk. 3/3 ligg 1 m NO for fk. 3/2. Ho ser ut til å vera kring 5 m i tverrmål, er særs låg og heilt overgrodd av mose, ris einer og lauvtrekratt. I SV del av røysa ligg ei kring 1 x 1 m stor helle, som er opptil 0,2 m tjukk. Røysa må seiast å vera noko tvilsam. Røysa fk. 3/7 ligg 18 m OSO for fk. 3/3. Tverrmålet ser ut til å vera kring 14 m, men det er noko vanskeleg å avgjera. Høgda på røysa er opptil 1 m frå S. Ho er sterkt tilgrodd av gras og mosetorv, men ein del 0,2 - 0,8 m store steinar/blokker stikk i dagen. Sentrum av røysa er avskava. På røysa veks det einer og lauvtrekratt.

Teksten er hentet fra Riksantikvarens register Askeladden og gjengitt ordrett under NLOD 1.0. Storie har ikke endret den.