Nesheim - Fetts fk. 1/1-2, Bruravikneset

Røysa fk. 1/1 er om lag 7 m i tverrmål og opp til 0,5 m høg i vestre kant. Ho er bygd av 0,1 - 0,6 m store steinar/blokker som ligg heilt i dagen. Røysa er relativt godt synleg i terrenget, men er noko uklårt markert, då ho er utrasa, særleg nedover skråninga i OSO. I søraustre del er det eit søkk om lag 2 x 1 m vidt og opp til 0,25 m djupt. Det veks nokre furutre i austre kant og ei bjørk om lag midt i røysa. Røysa fk. 1/2 ligg om lag 15 m NV for fk. 1/1 og er om lag 17 m i tverrmål målt N-S og om lag 15 m målt O-V. Ho er bygd av 0,1 - 0,7 m store steinar/blokker som ligg heilt i dagen. Røysa syner svært godt i terrenget og er godt markert bortsett frå i N og NO der ho er noko utrasa. I søre del er det eit søkk om lag 3 x 2 m vidt og opp til 0,3 m djupt. På røysa veks nokre småbusker og i søraustre del ei bjørk.

Teksten er hentet fra Riksantikvarens register Askeladden og gjengitt ordrett under NLOD 1.0. Storie har ikke endret den.