Kalvestad

RAPPORT 1997: Her R11-R20. Det er merka av 65 andre røyser i området. Her ligg nok rydningsrøyser frå bode eldre og yngre jarnalder, middelalder og frå dei nyare tids anlegga. Fleire av desse er nok gravrøyser, men det vil vere umogleg å skilje mellom grav og rydning utan utgravning. Det blir også fortalt om Flesje Ole, ei bonde på 1700-1800-talet skal ha plyndra fleire røyser i området. Slik plyndring vil kunne endre utsjånaden til ei gravrøys, slik at det vanskeleg kan registrerast idag. SKREVET 1980:Fornminneområdet har ei total utstrekning på 550 m, orientert O-V, og ei breidd på 60-160 m. Vestlegast i området, 10 m V for den vestlegaste steingarden og 50 m frå sjøen, ligg tufta fk.nr. 4. Tufta er 14 m lang, orientert O-V og 5 m brei innvendes. Murane er svært regelrette på innsida. Oppå og utvendes er dei lyng- og graskledde. Inni er tufta no heilt tilvaksen med sprake.V, N og O for tufta ligg ei mengd med røyser. Ein god del er visseleg rydningsrøyser, men her er og fleire gravrøyser. Noko viss grensegang mellom dei to typane er likevel uråd å trekkja opp. Fett har nærpå 50 gravrøyser innan dette området under fk.nr. 3.Dei fleste er heller små rundrøyser, 3-5 m i tverrmål og opp mot 0,5 m høge, men her er også langrøyser som er monaleg større. I midtre innhegningen, ovanfor steingarden som går langs stranda, ligg ei røys i V, fk.nr. 3/45, som er 12x3 m, orientert O-V. Om mogeleg kan denne røysa tolkast som nordre langvegg i ei tuft, der også austre stuttveggen er heller klår, medan den søre langveggen er meir ufullstendig. Tufta vert i så fall kring 3 m brei innvendes. 30 m lenger mot O ligg ei langrøys, fk.nr. 3/47, som er 20x3 m, orientert ONO-VSV.Kring den austlegaste innhengningen ligg fire røyser som Fett har gjeve fk.nr. 2. Røysa fk.nr. 2/1 ligg rett nedanfor (N for) den nordre steingarden i innhegningen om lag midt på. Ho er 8 m i tverrmål og 1 m høg, noko utkasta mot N og har eit 1,5 m vidt og 1 m djupt søkk i toppen. 25 m VSV for denne under hjørnet på steingarden ligg røysa 2/2. Ho er 10 m i tverrmål og 1 m høg, noko avflata på den delen som ligg utanfor steingarden. 75 m opp frå stranda og 10 m O for den austra steingarden i innhegningen ligg røysa 2/3. Ho er 6 m i tverrmål og 0,5 m høg med søkk i toppen og noko utkasta mot N. Like langt frå stranda, men på den andre sida av innhegningen, 12 m V for den vestre steingarden ligg røysa 2/4. Ho er 8 m i tverrmål og knapt 1 m høg. 150 m O for den austre innhegningen går eit eldre innmarksgjerde frå sjøen mot SSV i ei lengd av 175 m.

Teksten er hentet fra Riksantikvarens register Askeladden og gjengitt ordrett under NLOD 1.0. Storie har ikke endret den.