Hoshovd - Fetts fk. 1/1-2, Breivik

Røysa fk. 1/1 måler om lag 15 x 7 m orientert NNV-SSO. Røysa er bygd av steinar/blokker 0,15 - 0,8 m store. Røysa er noko utkasta, særleg i sørvestre delen. Røysa er dekt av mose og grastorv, men nokre steinar/blokker ligg i dagen, mellom anna 3 store heller, den største over 1,8 m lang. Røysa, som er kring 1 m høg, er sterkt tilvaksen med brake og er ikkje særleg godt synleg i lendet. Om lag 75 m VNV for gravrøysa ligg ei steinpakning, Fetts fk. 1/2. Ho ligg om lag 25 m frå sjøen, nedanfor ei skråning. Steinpakninga er særs uryddig og det er tvilsamt om dette er eit fornminne.

Teksten er hentet fra Riksantikvarens register Askeladden og gjengitt ordrett under NLOD 1.0. Storie har ikke endret den.