Fetts fk.nr. 2/1-4

Samlinga som inneheld tre røyser og ei steinsetjing, ligg innan eit område som måler kring 35 m NNO-SSV og er opptil 16-17 m breitt. Røysene fk. nr. 2/1, 2 og 4 ligg om lag på line, medan steinsetjinga fk.nr. 2/3 ligg like NV for fk.nr. 2/4.Røysa fk. nr. 2/1 er kring 15 m i tverrmål. Sett frå S er røysa opptil 2 m høg, medan høgda i N er knapt 1 m. Røysa er bygd av 0,1-0,6 m store steinar/blokker som for det meste ligg i dagen. Langs kantane er røysa dekt av mosetorv og tilvaksen med lyng og ein del sprakebusker. I sørlege del av røysa veks nokre lauvtre. Røysa er noko utkaste i midten. Avgrensinga av røysa er heller klår og ho er svært godt synleg i lendet.Røysa fk. nr. 2/2 ligg 3 m SSV for fk. nr. 2/1. Ho måler 9 x 6 m, orientert VNV-OSO, og er kring 0,5 m høg. Ho er for det meste tilvaksen med mosetorv, lyng og einer, men 0,1-0,4 m store steinar/blokker ligg i dagen i sørlege og vestlege del av røysa. I sørlege del av røysa ligg også ein del større blokker, den største av desse er ikring 0,8 x 0,8 m. Røysa er noko uklårt markert og ikkje så godt synleg i lendet.Steinsetjinga fk.nr. 2/3 ligg 3 m VSV for fk. nr. 2/2. Ho er klårt avgrensa i V der det ligg ei 7,5 m lang rad med tett lagde blokker, orientert N-S. Blokkene måler 0,4-0,6 m. Mot dei 3 andre himmelretningane er avgrensinga noko uklår. Breidda O-V kan vera 5-6 m. Austre avgrensing kan ha samanheng med ei 1,5 x 1,5 m stor steinblokk. Innan vestlege halvdel av stensetjinga er det eit grunt søkk med spreidde 0,4-0,5 m store blokker, medan det mot O ligg heller tett med 0,1-0,4 m store steinar/blokker. Elles er steinsetjinga for ein stor del tilvaksen med mose, lyng og einer. Steinsetjinga kan vera botn av ei gravrøys eller ei hustuft.Røysa fk. nr. 2/4 ligg kring 2 m SO for fk. nr. 2/3. Ho er 6-7 m i tverrmål og heilt låg. Røysa er tilvaksen med mose og gras, men ein kan merka steinane under torva. Markeringa av røysa er særs uklår.

Teksten er hentet fra Riksantikvarens register Askeladden og gjengitt ordrett under NLOD 1.0. Storie har ikke endret den.