Fetts fk.nr. 1/1-2

Samlinga som inneheld ein gravhaug og ei gravrøys, måler 39 x 7-13 m, orientert NNV-SSO. Den vestlege delen av røysa fk.nr. 1/1, er borte, slik at røysa i dag er kring 11 m lang NNV-SSO, og opptil 7 m brei. Høgda til røysa er om lag 1,25 m. Røysa er sterkt tilvaksen med mose, gras, lyng og lauvtrekratt. I sørlege del av røysa er det eit kring 3 m vidt og opptil 1 m djupt søkk. I søkket stikk 0,1-0,4 m store steinar/blokker i dagen. Røysa er klårt markert og godt synleg i lendet.Haugen fk.nr. 1/2, ligg 15 m SSO for fk.nr. 1/1. Han er kring 13 m i tverrmål, opptil 0,5 m høg og grasvaksen. Kantane av haugen er markerte med fotkjede, bortsett frå i nordlege del. I sentrum av haugen er det lagt innpå ein del rydningsstein. Det veks nokre klungerbusker og lauvtre på haugen. Haugen er godt synleg i lendet.

Teksten er hentet fra Riksantikvarens register Askeladden og gjengitt ordrett under NLOD 1.0. Storie har ikke endret den.