Fetts fk.nr. 1

Samlinga inneheld 4 røyser som ligg på rad NNO - SSV, og har ei største utstrekning på 50 m.Røysa fk.nr. 1/1, ligg lengst N. Ved arbeid på kommunevegen vart det fyllt grus og stein på, og inntil røysa, slik at det i dag er umogeleg å måle tverrmål og høgd. I følgje Per Fett (1950), er røys nr. 1 og 2 om lag like store. Tverrmålet på røysa skulle difor vere om lag 10 m. Røysa er tilvaksen med gras og torv.Røysa fk.nr. 1/2, ligg om lag 5 m SSV for fk.nr. 1/1. Ho måler om lag 12 x 10 m, og er orientert NNO - SSV. Røysa er opptil 1,5 m høg, og tilvaksen med tjukk grastorv, men nokre 0,2 - 0,3 m store steinar/blokker stikk i dagen langs kantane av røysa. Det veks einer på røysa og i nordlege del av røysa står det ei klynge med rognetre.Røysa fk.nr. 1/3, ligg tett SSV for fk.nr. 1/2. Røysa ser ut til å vere 7 - 8 m i tverrmål og opptil 1 m høg. Røysa er dekt av tjukk grastorv, og markeringa er difor noko uklår, særleg mot O. Nokre stader stikk 0,2 - 0,3 m store steinar i dagen. Det veks ein del einer på røysa.Røysa fk.nr. 1/4, ligg like SSV for fk.nr. 1/3. Ho er om lag 9 m i tverrmål. Sett frå NV er røysa om lag 1,5 m høg, medan høgda i SO er kring 1 m. Røysa er tilvaksen med grastorv, mose og einer, men ein del 0,2 - 0,3 m store steinar/blokker stikk i dagen. I nordvestlege del er røysa noko omrota og utkasta.

Teksten er hentet fra Riksantikvarens register Askeladden og gjengitt ordrett under NLOD 1.0. Storie har ikke endret den.