Vespestad - Fetts fk. 4/7-9, Busteleitet

Innan eit 25 x 5-8 m vidt område, orientert NV-SO, ligg det to røyser. Røysa lengst NV, truleg fk. 4/7, er kring 5 m i tverrmål og 0,2 - 0,3 m høg. Ho er grasvaksen, og har ei uklår avgrensing. Røysa ligg i kanten av ein åker og er blitt ompløgd i toppen slik at det ligg 0,1 - 0,3 m store steinar i dagen. 8-9 m mot SO ligg ei anna røys. Ho er omlag 8 m i tverrmål, 0,3 m høg og grasvaksen. Avgrensinga er uklår, særleg i V. I sørlege kant av røysa er eit 1 m vidt og 0,25 m djupt søkk. I sørlege kant av søkket står ei 1 x 0,7 m stor blokk på skrå. Kant i kant med denne røysa mot V er det ei anna mogeleg røys. Ho er låg, grasvaksen og kan vera 4 - 5 m i tverrmål. 14 m SV for røysa fk. 4/7 er også ei mogeleg røys på nordaustsida av ein bergknaus. Ho er 5-6 m i tverrmål, låg og grasvaksen.

Teksten er hentet fra Riksantikvarens register Askeladden og gjengitt ordrett under NLOD 1.0. Storie har ikke endret den.