Spjeldnes - Fetts fk. 1/1-5, Gravena

Haugen fk. 1/1 ligg lengst vest i feltet framme på kanten mot dalføret 90 m opp frå sjøen. Haugen er ca. 12 x 5 m, orientert NNV-SSO. Sørlegaste kanten på haugen er ca. 2 m frå steingarden. Haugen som er dekka av mose og lyng er kring 0,5 m høg. Den austlege sidekanten er skadd og uklårt markert i dag. På haugen veks det 4 mindre furuer og ein 6 - 7 planta granbusker. Frå denne haugen skal steinen som no står på ein knaus N for tunet, vera komen. Steinen er 2,15 m høg, 35 cm brei og 18 cm tjukk. 5 m NO for fk. 1/1 oppe på ein naturleg kul ligg haugen fk. 1/2. Kantane er noko utydelege, men haugen er ca. 10 x 5 m orientert NV-SO, og kring 0,5 m høg. I toppen på haugen er det eit langsgåande, grunt søkk. Haugen er lyng- og mosegrodd med 2 furubusker og 10 - 12 granplantingar oppå. 10 m NO for fk. 1/2 på høgaste knausen ligg haugen fk. 1/3. Haugen er utydeleg, men kan vera om lag 8 x 5 m orientert NV-SO. Haugen er sterkt mose- og lynggrodd og tilvaksen med furubusker og granplantingar. Haugen er ikkje utan tvil. 5 m SO for fk. 1/3 ligg ein haug som er kring 6 m i tverrmål og knapt 1 m høg. Haugen er mykje omrota med uklåre kantar. Han er torv- og mosegrodd med ein del granplantingar oppå. Steingarden går over den sørlegaste delen av han. Haugen sitt lægje samsvarer med haugen fk. 1/4 hjå Fett, men utsjånad og skildring samsvarar med haug fk. 1/5 hjå Fett. Der fk. 1/5 skal liggja kan ein ikkje finna nokon haug. Haugen vert difor kalla fk. 1/4-5. Haugen er ikkje utan tvil.

Teksten er hentet fra Riksantikvarens register Askeladden og gjengitt ordrett under NLOD 1.0. Storie har ikke endret den.