Øverås, Kystbatteri, HKB 21/976

Tidlegare tysk kystbatteri. Var ein del av Artillerigruppe Møre. Kystbatteriet på Øveråssjøen vart etablert i 1942. Det vart henta 6 franske kanonar som vart montert i 6 nye betongstillingar. Desse fekk utbygd dekningsbunkere med tilhøyrande system av løpegrav imellom. Etableringa medførde tvangsfråflytting for sivilbefolkning frå mellom anna garden Søgård. Den vart inngjerda, og der vart det etablert ein fangeleir for russiske krigsfangar. Det var 42 fangar totalt som vart nytta til hardt tvangsarbeid. Men talet på fangar syner og atdet har vore 27 fangar på Øverås. Den tyske militære besetninga varierte mellom 100- 150 mann. Anlegget blei grundig fotografert og registrert av motstandsrørsla XU. Dette etteretningsarbeidet vart gjort etter føringar frå London. Den seinare kjente tyske diktaren Arno Schmitt hadde teneste på Øverås kystbatteri. I dag er området prega av attgroing og generelt forfall av krigsminna. Fleire av bunkersanlegga er attfylte. Kulturmiljøet kring krigsminna bør sikrast arealmessig.

Teksten er hentet fra Riksantikvarens register Askeladden og gjengitt ordrett under NLOD 1.0. Storie har ikke endret den.