Nese - Fetts fk. 1/3-7

Feltet måler 125 x 20 m, orientert NO-SV. Røysa Fetts fk. 1/3 ligg 25 m ONO for gravhaugen fk. 1. Ho ligg på ein knaus der mykje stein er påkasta/murt opp langs kanten. I følgje Fett er røysa tvilsam og det er i dag vanskeleg å gje noko nøyaktig tverrmål og høgde. Røysa er tilvaksen med gras og rognebusker. Ein stolpe står oppå røysa. Røysa Fetts fk. 1/4 ligg 10 m NNO for fk. 3. Ho er 12 m i tverrmål og 1,5 m høg. Her er mykje innpåkasta/oppmurt stein i nordaustre del av røysa. Denne oppmuringa går i framhaldet av steingarden, men vinkelrett på denne. Røysa er grasvaksen med berg stikkande i dagen i S og SV. Røysa Fetts fk. 1/5 ligg 15 m NNO for fk. 1/4. Ho er 8 - 10 m i tverrmål, 1 m høg og er grasvaksen med ein del 0,2 - 0,3 m store steinar stikkande i dagen. Røysa verkar avflata på toppen. I søre del av røysa går ein steingard beint over. Denne steingarden går også over dei to fylgjande røysene. I nordre kant av røysa er det støypt ein sementmur. Røysa Fetts fk. 1/6 ligg tett NO for fk. 1/5. I fylgje Fett skal røysa ha vore 10 m i tverrmål og 1 m høg. I dag ligg berre restar att. På den delen av røysa som ligg på NV-sida av steingarden er det planta gran. På SO-sida av steingarden kan ein sjå meir av den opphavelege forma på røysa då ho her er heilt grasvaksen. Haugen Fetts fk. 1/7 ligg 15 m NO for fk. 1/6. Han er 10 m i tverrmål og 1 m høg. Haugen er grasvaksen med nokre spreidde grantre på NV-sida av steingarden. Mykje skrot ligg påkasta i nordaustre kant.

Teksten er hentet fra Riksantikvarens register Askeladden og gjengitt ordrett under NLOD 1.0. Storie har ikke endret den.