Hindnes - Fetts fk. 1/1-2, 4

Røysa fk. 1/1, Ormarøysa, ligg på ein låg knaus. Røysa er ein del utkasta og steinane blokkene frå utkastinga ligg utover mot VNV, slik at markeringa av røysa her er noko uklår. Tverrmålet er 9 - 10 m. Ho er heller flat oppå og kring 3/4 m høg, noko høgare sett frå V. Innan den sentrale delen er eit 2 - 3 m vidt, grunt søkk. Her ligg 40 - 100 cm store steinar/blokker turre i dagen. Kantane er lyng- og mosegrodde. Oppå kantane veks store grantre heile vegen rundt. Røysa fk. 1/2 ligg kring 5 m O for fk. 1/1. Røysa er mykje utkasta, kring 5 m i tverrmål og knapt 0,5 m høg. Ho er mose- og lyngvaksen, men 40 - 80 cm store steinar/blokker stikk i dagen. I austre kant stikk berget i dagen. Om lag 100 m VNV for dei to røysene har det truleg også lege ei røys. Her er no heilt tilgrodd med mose og lyng, men under mosen står helleforma steinar/blokker på kant, om mogeleg restane av ei hellekiste. Dette kan vera røysa fk. 1/4.

Teksten er hentet fra Riksantikvarens register Askeladden og gjengitt ordrett under NLOD 1.0. Storie har ikke endret den.