Gol stavkirke, Norsk Folkemuseum

Gol stavkyrkje står i dag på Norsk Folkemuseum i Oslo der den vart gjenreist i 1880-åra. Den vart flytta frå Gol i Hallingdal då ny soknekyrkje sto ferdig i 1881. Stavkyrkja har eit heva midtrom som er bore av frittståande stavar i skipet. Stavkonstruksjonen er for ein stor del bevart, supplert med rekonstruksjonar på relativt sikkert grunnlag og med nyare material. Eksteriøret er forma etter førebilete frå Borgund stavkyrkje. Den eine av kyrkja sine to vangeportalar vart kopierte ved gjenreisinga på museet. Korveggane vart måla i 1652, og i apsis er det ei framstilling av nattverden. Årringsanalyser viser at ein av grunnstokkane er felt vinteren 1214-15, og Gol stavkyrkje er truleg bygd kort tid etter. Dette er samsvar med tidligare stilhistoriske dateringar. Gjennom Riksantikvaren sitt stavkyrkjeprogram fekk kyrkja ny sponkledning på taket samt nye kopiar av dragehovud og kors i 2012. Det vert føreteke enkelte kyrkjelege handlingar i kyrkja på Folkemuseet.

Teksten er hentet fra Riksantikvarens register Askeladden og gjengitt ordrett under NLOD 1.0. Storie har ikke endret den.