Fettsfk.nr.7/1,8/1-4,nyreg.

Feltet måler om lag 50 x 30 m, orientert VNV-OSO. Hustufta fk.nr. 7/1 måler om lag 15 x 9 m (ytre mål) og er orientert VNV-OSO. Ho er klårt markert og syner godt i lendet. Særskilt austre gavlvegg er høg og brei, og hjørna vert her markerte med blokker. Til nordre langvegg er det mellom anna nytta ei jordfast blokk. Tufta synest delt i tre rom ved indre, tverrgåande steinrekkjer. Røysa fk.nr. 8/1 ligg tett S for sørvestre hjørne på tufta. Røysa er låg og har eit tverrmål på om lag 5 m. Ho er kledd med grastorv. I midten er eit grunt søkk. Røysa fk.nr. 8/2 ligg 5 m SO for søraustre hjørne på tufta. Tverrmålet er kring 5 m og høgda om lag 0,25 m. Røysa er tilgrodd med grastorv og har eit grunt søkk i midten. Røysa fk.nr. 8/3 ligg 5 m NO for nordaustre hjørne på tufta, tett S for ura. Tverrmålet har truleg vore om lag 4 m. Her ligg no nokre blokker og det som mogeleg er ei open hellekiste, orientert N-S. Røysa fk.nr. 8/4 ligg om lag 15 m O for tufta fk.nr. 7/1. Røysa er om lag 6 m i tvm. og kring 0,5 m høg. Ho synest bygd rundt ei blokk, 3 x 2 m stor. Røysa er grasgrodd.Røys nyreg. ligg om lag 1 m S for røysa fk.nr. 8/2. Ho måler 4 m i tvm. og er heilt låg. Røysa er mykje overgrodd og syner dårleg i lendet. Røys nyreg. ligg 6 m SSO for røysa 8/4. Ho ligg nedanfor stien, ut frå ein liten bakkekant. Ho er uregelmessig, 5-6 m i tvm., største lengde er O-V.Fleire av røysene synest vere rydningsrøyser, då det er mykje særs småfallen stein i dei.

Teksten er hentet fra Riksantikvarens register Askeladden og gjengitt ordrett under NLOD 1.0. Storie har ikke endret den.