Fettsfk.nr.1/9-28,31-46 Kjerstadstølen

Feltet med haugane og røysene er orientert NV - SO, og har ei lengd på om lag 195 m. Den nordlegaste delen av feltet fylgjer eigedomsgrensa i NO, medan den sørvestlege delen går langs sørvestsida av bruka. Alle røysene og haugane er grasvaksne, nokre har tre og buskar, og ein del av haugane har krater i midten. Haugane, nr. 8 og nr. 29 på Fetts kart, er forsvunne. Haug nr. 27 på Fetts funnkart, er den største. Han ligg om lag 3 m frå nordaustre vegg på bnr. 10 og er 13 x 9 m vid og om lag 1,5 m høg. I sørvestre side er det eit krater. I følgje Fett skal den nordaustre delen vere borte. Elles er haugane og røysene mellom 4 og 9,5 m i tverrmål, og mellom 0,5 - 1,5 m høge. På haugane 34 og 35 etter Fetts kart, ligg det steinkister bygde av heller.

Teksten er hentet fra Riksantikvarens register Askeladden og gjengitt ordrett under NLOD 1.0. Storie har ikke endret den.