Fetts fk.nr. 4/1-2

Samlinga måler 26 x 15 m, orientert NNO-SSV.Lengst sør ligg haugen Fetts fk.nr. 4/1, som vert kalla Håteighaugen. Han ligg på grensa mellom bnr. 28 og bnr. 53 slik at ein steingard går over han. I fylgje Fett har han vore 12 m i tverrmål og 1,75 høg, men haugen vart utgraven i 1935 slik at no står berre den austre delen att. Tverrmålet på denne skalken er 6 m i retninga O-V. Elles er haugen sterkt tilvaksen med lauvtre og kratt.Omlag 6 m NNO for haugen ligg røysa Fetts fk.nr. 4/2. Denne ligg i møtet mellom alle tre bruka. Røysa måler 15 m i tverrmål og er 2 m høg. Ho er torvgrodd langs dei nedre kantane, men elles ligg dei 0,2-0,5 m store steinane/blokkene tørre i dagen. Røysa er tilgrodd med busker og verkar noko avflata/skadd i toppen. Her er og påkasta mykje kvist og stokkar og mindre stein.

Teksten er hentet fra Riksantikvarens register Askeladden og gjengitt ordrett under NLOD 1.0. Storie har ikke endret den.