Fetts fk.nr. 2/1-3

Røysa fk.nr. 2/1 ligg 80 m NO for den ovannemnde vika, heilt framme på kanten av svaberget lengst i N. Røysa er kring 5 m i tverrmål og 0,5 m høg. I toppen er eit 3 m vidt, ovalt og 0,5 m djupt søkk. Røysa er bygd av 5-60 cm store steinar/blokker. Blokkene er kantete. Det ikringliggjande svaberget er mosegrodd, og kring røysa veks eit par mindre sprakebusker og i nordre kant står ei lita fure.Røysa fk.nr. 2/2 ligg 15 m SSV for 1, heilt framme på kanten av svaberget lengst i S. Røysa er oval på fasong, orientert NO-SV, 6 m vid og 0,5 m høg. I toppen av røysa er eit 3x1 m vidt og 0,5 m djupt søkk. Røysa er bygd av 10-60 cm store, kantete steinar/blokker. I austre kant av røys veks ei lita rognebuske.Like V for svaberget, der røysene fk.nr. 2/1-2 ligg, går det eit markert lite dalsøkk opp frå sjøen i nordleg lei. På vestsida av dette dalføret ligg det eit nytt svaberg som har 2 toppar.Røysa fk.nr. 2/3 ligg på den vestlegaste av desse toppane, 20 m N for den vesle vika. 45 m VSV for nr. 2. Røysa er oval på fasong, orientert NO-SV, 5 m vid, nærare 1 m høg. I toppen er eit 1 m langt og 0,5 m djupt søkk. Røysa er bygd av 10-60 cm store steinar/blokker. Kring foten av røysa veks det lyng, små furer og sprakebusker. På den andre toppen på same svaberget, 15 m NO for nr. 3, ligg ei 4. røys, 2 m i tverrmål og knapt 0,5 m høg.

Teksten er hentet fra Riksantikvarens register Askeladden og gjengitt ordrett under NLOD 1.0. Storie har ikke endret den.