Fetts fk.nr.1/2-12 Kjempene

Gravfeltet er 60 m langt, orientert N - S, og 20 m breitt. Her er 10 røyser, der røysa Fetts fk.nr. 2/12 ligg lengst S. Røysa ligg 30 m SV for det SO-hjørnet på Knut Åkres bustadhus. Røysa her eit tverrmål på 8 m og er 0,5 m høg. Ho er utkasta, og har eit 3 m vidt søkk i midten. Søkket er 0,4 m djupt. I sørvestre kant av røysa ligg ei steinblokk, 1 x 1 m vid og 0,6 m tjukk. Røysa er tilvaksen med gras, lyng og einer, men ho er heller klårt avgrensa. Det veks òg nokre små bar- og lauvtre i kantane. I frå denne røysa strekkjer feltet seg rett N, og avstanden mellom røysene varierer mellom 5 - 10 m.Desse røysene varierer i storleik. Den største røysa, Fetts fk.nr. 2/4, er 7 x 9 m vid, orientert N - S. Røysa er 1 m høg og har eit 4 m langt og 1 m breitt søkk i midten. Her ligg ei 0,4 x 0,4 m stor blokk som er 15 cm tjukk.Dei andre røysene, Fetts fk.nr. 2/11, 10, 9, 8, 7, 6, 3 og 2, er alle noko mindre rundrøyser. Dei fleste av desse er utkasta med unnatak av røysene, Fetts fk.nr. 2/11 og 7. Røysene er tilvaksne med gras, lyng og brake, og dei er ikkje heilt lette å avgrense. Langs foten i vestre del av røysene, Fetts fk.nr. 2/9, 8, 7, 6 og 4, ligg eit lengre plante- og blomsterbed.Røysa, fk.nr. 2, er den nordlegaste av røysene. Denne ligg 22,5 m NNV frå det nordvestre hjørnet på bustadhuset til Knut Åkre. Per Fett hadde registrert 12 røyser i gravfeltet, 2 av desse er i dag vekke. Det er røysene Fetts fk.nr. 2/1 og 5 som er blitt borte grunna bustadbygging.

Teksten er hentet fra Riksantikvarens register Askeladden og gjengitt ordrett under NLOD 1.0. Storie har ikke endret den.