Fetts fk.nr. 1/1-2 Fridtjovsparken

Samlinga måler 40 x 18 m, orientert NNO-SSV.Den sørlegaste av haugane, Fetts fk.nr. 1/1, som vart kalla Ryggjahaugen, i seinare tid kalla Fridtjovs haug, ligg heilt i det søraustre hjørnet av parken, omlag 5 m SSO frå Fridtjovsstøtta. Haugen som er restaurert, måler 17 m i tverrmål og er omlag 1-1,5 m høg. Han er bygd av steinar/blokker, 0,1-0,3 m store. Han er grasvaksen, men på toppen og i NNV stikk det mykje steinar i dagen. Rundt kanten av haugen veks ein del større lauv- og bartre.Omlag 8 m NNO for haug 1, ligg haugen Fetts fk.nr. 1/2. Denne haugen ligg kloss i muren opp mot vegen, omlag midtvegs på den austre sida av parken. Haugen måler 14 x 10 m, orientert NNO-SSV. Han har truleg vore heilt rund, omlag 15 m i tverrmål, men er i dag tvert avskoren av bygdevegen i austre kant. Haugen er omlag 1-1,5 m høg, grasvaksen og tilvaksen med ein del større lauvtre. Haugen har i seinare tid vorte kalla Ingeborgs haug.

Teksten er hentet fra Riksantikvarens register Askeladden og gjengitt ordrett under NLOD 1.0. Storie har ikke endret den.