Fetts fk.nr. 1/1-2 Brandskjerøyri

Samlinga er orientert NO-SV og måler 35 x 9 m. Båe haugane ligg øvst på ein nordvestgåande kolle som i NV går rett i fjorden.Den sørlegaste av dei to haugane, fk.nr. 1/1, ligg ved munningen av Årøyelvi 5 m N for terrassekanten mot sjøen. Han måler 16 x 9 m og er 1,0-1,5 m høg, orientert NO-SV. Eit 1 m djupt søkk går i lengderetninga av haugen. På det breiaste er det 3 m. Haugen er gras- og mosevaksen, og langs kanten mot sør veks einebusker. NV på haugen står ei stor hengebjørk.Haugen fk.nr. 1/2 ligg tett NO for haug 1. Han måler 17 x 5-7 m, orientert NO-SV. Det er eit søkk på midten, omlag 2 x 2 m vidt og 0,5 m djupt, etter utgraving. I kanten av søkket står ei furu. Det veks og to bjørketre på haugen, eit i nordaustre del og eit i sørvestre kant. Haugen er 1,5-2,0 m høg, og er gras- og mosevaksen.

Teksten er hentet fra Riksantikvarens register Askeladden og gjengitt ordrett under NLOD 1.0. Storie har ikke endret den.