Bombespiss, Voss tinghus

Tyskarane visste at Voss var eit sentralt område for mobiliseringa av militære styrkar. Difor vart tettstaden Vangen bomba. Bombinga varte i tre dagar, frå 23. –25. april 1940. 83 hus vert øydelagt. Dette var ein type bombing som ikkje primært var retta mot militære mål, men hadde til føremål å setja skrekk i folk og å øydeleggja infrastrukturen. Gjennom bombinga vart mesteparten av husa på Vangen lagt i ruinar, og likeins fleire hus i omgjevnadene. Det var heldigvis minimalt med tap av menneskeliv, då folk hadde rømt bustadene på førehand. Det vart nytta både spreng- og brannbomber, som gjorde maksimalt med skade då dei aller fleste av husa var laga av tre. Brannvesenet kunne gjera lite for å minska skadane, mellom anna fordi dei mista vasstrykket i leidningane frå Vangsvatnet. Den siste dagen var flyåtaka retta meir mot dei norske militære styrkane som var drivne på retrett oppover Vossestrand og Raundalen. Til saman ti nordmenn døde i løpet av desse tre dagane. Utanfor Voss tinghus ligg i dag ein original bombespiss som minnesmerke etter åtaka i 1940.

Teksten er hentet fra Riksantikvarens register Askeladden og gjengitt ordrett under NLOD 1.0. Storie har ikke endret den.