Auro - Fetts fk. 1/1-4

Fetts fk. 1/1 - Haug, må no vere heilt borte og har lege under sørveggen på stova. Tverrmålet om lag som fk. 1/3, høgda "syntes ikke at være over 4 Alen". Han var dekt med jord og grastorv. I haugen var ei kiste 7 1/2, alner om lag N-S, 3 alner brei (!?) og 1 alen høg,. bygd av kantsette heller som "indeni var som polerede". I kista låg saker heile og fine, men dei vart for det meste øydelagde og B520 - B525 er berre restar. Fetts fk. 1/2 - Haug, under nordaustre hyrne på stova, truleg like stor som fk. 1/3, men svært øydelagd før utgravinga 1920 (Haakon Shetelig). 4,40 m lang kiste NO-SV, 60-75 cm brei, av kantsette heller, då delvis helledekt, men kista hadde vore åpna før. Tilhøva viser at her er ei ubrend primærgrav og ei brend sekundærgrav i kista. B7145. Neumann melder utan heilt god kjelde at det i denne haugen var ei kiste N-S med gavlar og tak av heller, men "som Vægge, en Stok af l Alen Høide", som var flathogd på begge sider. Kista skulle ha vore om lag så stor som den i fk. 1/1. Der var krukker med oske i. Fetts fk. 1/3 - Haug, under løa like NNO for fk. 1/1, truleg 12-15 m i tvm.; noko skadd i kanten mot løa, elles urøyvd å sjå til, men Neumann melder om gravingar utan kjende funn. Haugen er delvis påfylt til låvebru. Bygd av grus og torv. Fetts fk. 1/4 - Haug, der flaggstonga står, like NNO for fk. 1/3, no nedflata og overdyrka. Denne er den nørdste haugen, som Neumann målte til 40 alner i rundmål (8 m i tvm.) og 1/2 alen i høgd. Her skal i søre side vere funne spjut og øks (eller berre sverd?) som no er bortkomne.

Teksten er hentet fra Riksantikvarens register Askeladden og gjengitt ordrett under NLOD 1.0. Storie har ikke endret den.